NAG-EMERGENCY landing ang usa ka private helicopter nga gipanag-iya sa M Lhuillier adlawng Huwebes, Marso 7, 2024, pasado alas 11:30 ang takna sa kabuntagun didto sa Sta. Lucia, Trinidad, Guindulman, Bohol.
Matod sa taho ang maong helicopter nalugot sa nylon sa usa ka tabanog, mao kini hinungdan nga nag emergency landing.
Nasayran nga ang susamang helicopter usab, nag emergency landing sauna didto sa Candijay Bohol human malugot usab sa nylon sa tabanog.
Luwas ra hinoun ang mga sakay niini, ug nakalupad na kini pagbalik human makuha ang nylon nga nabubod sa sabad niini. (RTB)
