NAGPINIRMAHAY na sa Memorandum of Agreement ang Department of Transportation ug LGU Duero alang sa Duero Port Extension Project didto sa Madua Sur.
Gipahigayon kini sa Primex Tower didto sa Dakbayan sa San Juan.
“Congratulations Duero masugdan nangyud ang trabho dinhing dapita ug ato pang paningkamutan na aduna pay lain pondo na madugang sa umaabot na katuigan,” pamahayag pa ni Duero Mayor Al C. Taculad.
“Sa kanunay mapasalamaton ako sa kahitas-an sa paghatag kanato sa mga grasya na ikalambo sa atong lungsod. Sa mga tawo nga nitabang kanato ilabina ni Congresswoman Alexie Besas Tutor, Governor Aris Aumentado ug ni Cong Paduano of Abang Lingkod partylist. Daghan kaayong salamat.”
“Complete attendance” ang 5 Strong Mayors nga naglakip niya, Garcia-Hernandez Mayor Jess Baja, Guindulman Mayor Albino “Ben” Balo, Loboc Mayor Raymond Jala ug Pilar Mayor Wilson L. Pajo.
Mapasalamaton usab si Mayor Taculad kang LMP-Bohol president ug Buenavista Mayor Dave Duallo sa pagtambong sa maong kalihokan. (Kahlil Lester O. Camba)
