GIAWHAG sa Land Transportation Office (LTO)-7 ang mga tag-iya og motorsiklo ug sakyanan nga nagtangag og temporaryong plaka nga mobisita sa pinakaduol nga opisina sa LTO aron makuha ang ilang license plate.
Kini aron mosaka ang ihap sa mga napagawas nga wala ma-claim nga license plates sa Central Visayas karon tuiga.
“We still have thousands of plates in our storage facility in Talisay City in Cebu and we want to intensify again the release of these license plates,” sigon ni LTO-7 Regional Director Glenn Galario.
Sigon sab ni Galario nga moabot sa kapin 100,000 ka mga plaka ang nakuha sa miaging tuig. “Based on our latest data, we have distributed a total of 105,127 license plates in the last 7 months and we want to intensify our efforts in distributing these plates. We want the public to know that we have plates available for them to collect,” ni Galario pa. Base sa datos sa LTO-7 gikan sa Hunyo 9, 2023 hangtod sa Enero 19, 2024, moabot sa 91,835 ka motorcycle plates ang na-release samtang 13,154 ka motor vehicles plates ang nakuha na sab sa mga tag-iya sa motorsiklo ug sakyanan.
“Bring a copy of your original receipt and certificate of registration to the nearest LTO 7 and present it to our Public Assistance Complaints Desk so that we can process the release of your plates,” asoy sa direktor.
Aron sa pagproseso sa license plates sa LTO offices, ang mga kliyente kinahanglan mo fill-out sa Plate Information Form pinaagi sa Public Assistance Complaints Desk (PACD) ug isumetir ang ilang kopya sa OR ug CR.
Makadawat sila og text confirmation sulod sa 48 ka oras aron mahibawo sa status sa ilang license plates kun kanus-a kini makuha. Sa buwan sa Septiyembre sa miaging tuig ang LTO-7 milusad sa ilang “Oplan Bigay Plaka”, inisyatbo kini sa ahensiya aron mamenusan ang backlog sa mga wala makuha nga mga plaka. (RTB)
