TAGBILARAN CITY, Bohol (PIA) – Gidayeg sa Regional Development Council 7 pinangulohan ni Bohol Governor Erico Aristotle Aumentado ang duha ka lungsod sa Bohol nga nagpanday ug nagpatuman sa ordinansa sa kamugnaan sa ilang kaugalingon nga tree parks ug communal forests.
Didto sa katapusang tigum nga nahiusa ang tanang komitiba sa RDC dinhi sa Bohol sa miaging buwan, gidayeg sa RDC 7 pinaagi sa usa ka resolusyon ang mga lungsod sa San Miguel ug President Carlos P. Garcia dinhi sa Bohol kay nahilakip sa 6 ka mga lugar sa Central Visayas nga namonitor sa Department of Environment and Natural Resources (DENR) nga nagtuman sa DENR-DILG MC No. 98-01.
Ang nasampit nga Joint MC giila nga Manual of Procedures alang sa DENR-DILG-LGU partnerships kabahin sa mga devolved nga gimbuhaton sa pagdumala sa kalasangan.
Gimandu dinhi ang pagsagop sa igo nga mga lakang sa pagpanalipod ug pagpatunhay sa mga kalasangan ug kahinguhaan sa liang hirisdiksyon, ang pagpasupot ug pag-aprobar sa mga resolusyones nga gikinahanglan ilabi na sa pagpanalipod sa kalasangan ug kalikopan ug ang pag-tukod ug pagdumala sa communal forests ug watersheds, tree parks, greenbelts, mga katunggan ug kabakhawan, ug uban pang pag-ugmad sa kalasangan ug kakahoyan.
Nagtuo ang Central Visayas Regional Development Council nga ang Central Visayas Regional Development Plan (CV-RDP) 2023-2028 nahiuyon sa pagpasugod sa mga komunidad nga hamugaway puy-an pinaagi sa pagpalig-on sa pagpatuman sa mga balaod.
Gawas pa, tuyo usab sa RDC -7 RDP nga paspason ang mga lakang batok sa nagka-usab nga panahon ug palig-onon ang kapasidad sa mga komunidad nga mapalig-on batok sa katalagman pinaagi sa pagsagop s amga programa nga makapahinay sa epekto sa nagkabaga nga carbon emissions.
Ug kay sarang nasangon na sa Local Government Units (LGUs) ang gimbuhaton sa pagpanalipod sa kalikopan pinaagi sa pagpatuman sa nga balaod sa kalikopan, isip labing taas nga bahan nga tigpanday sa palisiya sa rehiyon 7, sa iyang paghsuporta sa DENR-DILG MC No. 98-01, gipasupot sa RDC ang Resolution No. 40 (s. 2022) nga una na nga nagdayeg sa 7 ka LGUs sa Central Visayas nga nakapatuman sa pagpandayg ordinansa sa pagpasugod sa tree parks ug communal forests.
Ug aron sa dugang pag-enganyo sa mga LGUS sa sa ilang pagtuman sa said MC ug pagpasa ug pagpatuman sa mga ordinansa kabahin sa tree parks ug communal forests, ang Economic Development Committee (EDC), sa RDC niadtong Nobyembre 7, mipagawas og EDC Resolution No. 21, nga ngarekomendar ngadto sa RDC Full Council sa magpagawas og opisyal nga pagdayeg sa laing unom na ka mga LGUS sa Central Visayas nga mituman sa paghimog ordinansa pagtukod sa tree parks ug communal forests.
Gawas sa duha ka lungsod sa Bohol, gidayeg usab ang City of Cebu, ug lungsod sa Daanbantayan sa Sugbo ug City of Canlaon ug lungsod sa Mabinay sa Negros Oriental. (PIABohol)
