GIPADAYAG sa batan-ong amahan sa Bohol nga angay gyud panag-ignan o panaminan ang mga maayong binuhatan sa nasudnong bayani nga si Dr. Jose Protacio-Rizal kinsa gisaulog ang ika-127 ka tuig nga kamatayon kagahapon.
Sumala ni Gob. Aris Aumentado nga tungod ni Rizal, naluwas ang katawhang Pilipinhon gikan sa kabangis sa mga banyaga diin sama kang Kristo nagpakamatay usab kini aron pagsalbar sa tanan.
Dugang ni Aumentado nga angayan gyud panaminan ang mga binuhatan ni Jose Rizal ug ma-apply gyud kini karong panahona partikular na ang pagtinabangay.
“Angay gyud nato sundon ang binuhatan ni Rizal, kon diin sensiro gyud ang iyang pag-alagad sa atong nasud diin iyang giula ang iyang kinabuhi aron lang pagsalbar kanatong tanan,” sigon ni Aumentado.
Ang selebrasyon kagahapong adlawa subay kini sa Proclamation No. 126 -2001 penetsahan og Nobyembre 26, 2011 nga nagdeklarar sa Disyembre 23-30 isip Rizal Week ug Disyembre 30 paghandum sa death anniversary ni Dr. Jose Rizal.
Nasayran ni Aumentado nga nakalatid sa Memorandum Circular No. 2023-206 sa Department of Interior and Local Government (DILG) nga nag-awhag sa mga opisyal nga mohatag og partisipasyon sa mga kalihokan nga gipahinungod kang Rizal.
Karong tuiga ang tema sa ika-127 ka tuig nga selebrasyon sa pagkabayani niini mao ang “Rizal: Pundasyon ng Kahapon, Isinasabuhay Ngayon (Rizal: Foundation of the Past Alive Today).” (RTB)
