MIDAGSA ang mga tawo sa Department of Health aron magpabakuna batok sa mga balatian nga posibleng motakboy.
Lakip sa gitanyag ang anti-flu vaccine para niadtong nagpangidaron og 18-anyos pataas.
Nihatag usab sila og pneumococcal vaccine o bakuna batuk sa pneumonia alang sa mga senior citizens nga pang life time ang epekto.
Aduna usab bakuna batok sa cervical cancer o human papilloma virus vaccine.
Dunay magtiayong senior citizens nga apil sa nakapahimulos sa libreng bakuna sa DOH nipadayag nga mahinungdanon matud pa sa ilang pangidaron nga makapanagang batok sa mga virus, hinungdan ilang gihangop ang maong programa.
Naka avail sa anti- flu ug anti- pneumonia vaccines nga diin mahimo ra matud pa nga dunganon.
Molanat pa sa sunod nga semana ang free vaccination, diin mamahimo ra moadto aa mga LGU ang gustong mo avail niini.
Ang mga opisyal sa DOH-7 nibutyag nga dako og matabang ang bakuna sa pagpalig-on sa immune system sa mga tawo aron dili magrabehan kun adunay motakboy nga balatian.
Giawhag usab sa DOH ang katawhan nga padayong magsul-ob og facemask kun motambong og kakihukan nga dagsaan sa mga tawo aron malikayan nga matakboyan og mga balatian. (RTB)
