GIAWHAG sa kanhi komisyoner sa National Youth Commission (NYC) ug kanhi administrador sa Cooperative Dev’t. Authority (CDA) Benjie ‘Bobong’ Sanchez-Oliva ang Department of Education (DepEd) nga mopagawas og guidelines sa mga tunghaan kalabot sa ipahigayon nga kalihokan panahon sa pasko kini human sa nahitabo sa pagpamomba ngadto sa Marawi City.
Matud ni Oliva nga samtang nagkaduol ang pasko ang mga pampubliko ug pribado nga mga tunghaan aduna nay mga nagkadaiyang plano sa ilang mga Christmas parties og uban pa nga holiday activities.
Ang mga Christmas party gitugotan sa mga pampubliko nga tunghaan basta dili kini makabalda sa lesson plan sa mga estudyante
Nagkanayon si Oliva nga gumikan sa nahitabo nga insidente sa pagpamomba sa Marawi City kinahanglan ang mga tunghaan magmabinantayon ug alerto sa panagtapok sa mga tinun-an atol sa holidays alang sa Christmas party diin tumong niini ang sa kaluwasan sa mga estudyante ug school personnel.
Matud pa ni Oliva nga gumikan sa nahitabo ngadto sa Marawi City dili palang dugay iyang gihangyo ang DepEd nga mopagawas og guidelines sa pagestablisar sa safety and security measures. (RTB)
