KUMBATI na ang kantidad P51M sa mga proyektong imprastraktura didto sa Alicia human gipahigayon ang pag turnover niini.
Gipangunahan kini nila Congw. Alexie Tutor, Bise Mayor Cesyl Balahay ug mga opisyales sa barangay.
P35M ang Road Concreting gikan Katipunan, Alicia paingon Sitio Matinao, Cagongcagong samtang laing P12M ang sa Katipunan, Alicia Concreting. Dunay P4M gipundo arun ma-repair o rehabilitate ang Katipunan MultiPurpose Building.
“Kini na mga areas nga gi-semento, lisod gyud. Matod pa, buko-buko sa a-nay ang agian. Nindot pod balik tanaw ta nga sauna lisod -agian pero karon, sirit na ang agi. Ang ila pod MPB dri, buhing saksi ang DPWH III nga sa kasagsagan sa Odette, kita gyud sila gi- unsa paglupad ang mga sin ug gihukasan gyud ang gym. Ug karon, ni balik na gyud ug ka gwapa”, pamahayag pa sa kongresista sa Tersiero Distrito.
Nihurar usab si kanhi ABC President sa Alicia ug karon Brgy. Kagawad na sa Katipunan nga si Ruel Carias ngadto kang Congw. Tutor samtang niduyog ang Team Kumbati sa kasaulogan sa Napo Foundation Day sa naasoy nga lungsod. (Kahlil Lester O. Camba)
