WALA gipasagdan ni Congw. Vanvan Aumentado nga maguol sa balayrunon sa tambalanan ang mga pasyente bisan pa nga naa pa kini sa laing lalawigan o dili na niya distrito.
Malipayon niyang gibutyag nga na-discharge sa Chong Hua Hospital ang pasyente nga si Eronico niadtong Oktubre 12, 2023 human ang buhatan sa buotang kongresista ang niabaga sa hospitalization assistance nga P200,000. Siya taga Brgy. Rizal sa Talibon.
Suma pa ni Congw. Vanvan, kon naa sa government hospital sama sa Vicente Sotto Memorial Medical Center mahimo makaduol sa Malasakit Center samtang kon naa sa pribadong mga tambalanan makatabang gihapon iyang buhatan.
Kini pinaagi sa DOH-Medical Assistance to Indigent Patients.
“Basta naa pa tay pondo, motabang ta, ug ang uban medjo gamay napod ma assist nato, buot pasabot gamay nasad ang pondo nga atong e-angay2x sa tanan”, pamahayag pa sa kongresista sa Segundo distrito.
Sa laing bahin, na-discharge sa HNU Medical Center ang pasyente nga si Suarez nga taga Balilihan niadtong Oktubre 19, 2023.
Ang buhatan ni Congw. Vanvan dunay gi-extend nga P150,000 tabang pinansyal alang hospitalization expense. (Kahlil Lester O. Camba)
