GIANUNSYO sa PAGASA nga moabot pa sa duha ka mga bagyo ang mahimong mosulod sa Pilipinas hangtod Disyembre gumikan kay ania na ang La Niña sa Pilipinas.
Gibutyag ni Climate Monitoring and Prediction Section chief Ana Liza Solis sa PAGASA, ang naasoy nga ihap gibasi sa climatological record gikan 1948 hangtod 2010.
Dugang pa ni Solis nga ang mga bagyong naporma sa Disyembre kasagarang moigo sa Visayas o Mindanao.
Sa laing bahin, bisan walay bagyo, matod ni Solis nga posible pa gihapon ang pag-ulan-ulan sa Disyembre tungod sa epekto sa La Niña. (RTB)
