ni Elvira Bongosia
TAGBILARAN CITY, Bohol (PIA) — Ang gisugyot nga P625.3 milyon nga kantidad sa subproject sa lalawigan sa Bohol nakakuha og unanimous approval sa mga sakop sa Regional Project Advisory Board (RPAB) alang sa pag-endorso sa pondo ngadto sa Department of Agriculture-Philippine Rural Development Project (DA-PRDP).
Atol sa bag-ohay nga project review nga gipahigayon sa usa ka venue sa syudad sa Sugbo, ang mga sakop sa RPAB nakadayeg sa maayong pagkahunahuna ug pagkahimo sa proposal.
Ang proyekto naghatag og mas maayong network sa dalan, kasayon sa transportasyon sa produkto, ug pagpalambo sa potensyal nga mga dapit sa agrikultura nga adunay mas daghang Boholano nga komunidad sa mga mag-uuma nga makabenepisyo.
Ang gisugyot nga proyekto nga nagkantidad og P625,314,092.00 alang sa 12.67 kilometros nga Rehabilitation and Upgrading sa Desamparados (Calape, Bohol) – Tabuan (Antequera, Bohol) Farm-to-Market Road (FMR) nga adunay upat ka taytayan nga naglatas sa mga barangay sa Desamparados, Ulbujan, Labuon, Binogawan, Cabudburan & Cabayugan sa Calape ug Tabuan sa Antequera.
Ang maong FMR mosuporta sa value chain segments sa input supply ug trading sa virgin coconut oil ug magsilbi nga access road alang sa coconut growers, farmers, ug traders paingon sa oil processing facility building (VCO) sa Catmonan, lungsod sa Calape, lakip na ang trading. sa ubang mga palaliton sama sa bugas, saging, ug lumad nga manok.
Si Bohol Provincial Project Management and Implementing Unit (PPMIU) Head, Atty. John Titus Vistal, sa iyang presentasyon sa board, nihulagway sa kahimtang sa karsada ug dili lang kinahanglan nga ayohon kon dili i-upgrade.
Matud pa niini nga kini ang labing dako nga single road project nga himuon sa Bohol.
Gidugang usab ni Vistal nga sa maong road project, gidoble ang agricultural productivity sa maong lugar.
Si Calape Mayor Julius Caesar Herrera nagpasalamat sa mga sakop sa RPAB sa ilang pagtugot ug gitumbok nga dako ang epekto sa maong proyekto sa mga lungsod sa Calape ug Antequera ug makatampo usab sa mga kalihokan sa ekonomiya sa tibuok lalawigan. Ang karsada, matod niya 30 na ka tuig nga naglungtad ug wala pa gyud ma-ayo.
“The project will provide easy access to farmers but also encourage more farmers to engage in food production, especially in the upland mountain barangays where many of our potential areas for agriculture are underdeveloped (Ang proyekto maghatag og sayon nga akses sa mga mag-uuma apan makadasig usab sa daghang mag-uuma nga moapil sa produksyon sa pagkaon, ilabi na sa kabukiran nga mga barangay diin daghan sa atong mga potensyal nga lugar alang sa agrikultura ang atrasado),” si Herrera miingon.
Samtang ang suporta sa imprastraktura usa ka haom nga kalambuan alang sa Bohol, si Department of Agriculture-Central Visayas (DA7) Regional Executive Director ug RPAB Chairperson Angel C. Enriquez nalipay sa kalamposan sa gisugyot nga proyekto tungod kay adunay mga agri commodities nga anaa. Iyang gidasig ang PPMIU ug ang local government unit sa pagmentinar ug pagpatunhay sa mga potensyal sa agrikultura niining mga dapita.
Ang proyekto maghulat alang sa pag-isyu sa No Objection Letter (NOL-1) gikan sa PRDP National Project Coordination Office (NPCO). (ECB/PIA7-Bohol) P625-M Bohol farm-to-market road nakakuha og RPAB endorsement
