SA NBA, ang OKC Thunder angay ba kahadlokan ila first 5? Matod sa kadaghanan, puro kini mga batan-on ug gani maayo pod modula. Ang ilang players mao si Josh Giddey, Shai Gilgeous-Alexander, Lu Dort, Jalen Williams ug si Chet Holmgren.
Dili kini mga ilado apan puro batan-on ug maayo manuwa. Unsay masulti ninyu ani?
***
Si Anthony Edwards dili makaduwa sa ilang pre-season game batok sa Dallas Mavericks tungod sa ankle injury. Hinungdan nga si Luka Doncic murag wakwak niduwa. 1st half pa lang duna na sya 25points.
Si Stephen Curry, Lebron James, Anthony Davis, Draymond Green ug uban pa mga NBA player, andam na moduwa para sa 2024 Olympics. Kahadlokan naba ni nga line-up? Gitoyo ba kaha ni nila human sila napildi sa FIBA?
***
Sa Governors Cup, ari ta mag-una sa Juniors Division. Sa akong nakita, patas raman ug gitas-on ang Jagna ug Tagbilaran. Ang naka-apan lang kay wala nakasulbad ang Jagna ni Horace Morata nga dunay 56points sa dula. Hinungdan nga ang iskor mao 102-94.
Angay tarungon ang rotation sa Jagna kay isa na sa medyo pagkulang nila ug tagaan taas oras ang bigs.
Sa seniors division ang akong nakita, wala kaayo makalihok si Balabag (big man sa Tagbilaran) tungod sa maayo nga depensa ni Buno (big man sa Talibon). Isa pod, wala kaayo mataga-e ug maayo nga depensa ang Tagbilaran ngadto kang Evangelista sa panahon nga nagka thrilling ang dula.
Pero credits ngadto kang coach Patrick Borja sa maayo nga rotasyon. Dili lang siguro para ila ang mao nga dula.
Sa boksing, nipadala na ug request ang Pilipinas ngadto sa Paris Olympics nga unta motugot sila nga paduwaon si Manny Pacquiao maski paman nilapas na kini sa iyang age limit. Kay matod pa, nga ang age limit sa boksing sa Olympics kay 40.
Matod pa ni Tolentino nga si Pacman fit nga modula ug dili kini maka apekto sa ubang boksingero nga mi-kwalify modula sa Olympics.
Ug mao kini sports balita karong semanaha, daghang salamat ug maayong adlaw sa tanan.
