GIBUTYAG sa mga consultant sa UNICEF-Bohol ug representante sa Relief International nga 10 ka lungsod sa Bohol ang ilang totokan.
Alang kini sa ilang proyekto nga CDS3 o COVID-19 Vaccine Delivery Support Tranche 3. Buot pasabot niini, ang mga kabataan 2 ka tuig paubos mabakunahan sa COVID-19 vaccine.
Ang mga lungsod mao ang Dauis, Panglao, Talibon, Ubay, Tubigon, Loon, Inabanga, Jagna, Carmen, Mabini ug Pres. CPG ug ang nag-inusarang Dakbayan sa Tagbilaran.
Sa Oktubre 10 ipahigayon ang micro-planning nga resulta sa pakigtambayayong sa DOH,PGBh-PHO, UNICEF ug Relief International.
Sa Reaching Every Purok (REP) ang mga barangay health worker moabag sa pagpasabot ngadto sa kabataan sa importansya sa pagpabakuna. (Kahlil Lester O. Camba)
