SA NBA, si Kawhi Leonard andam na kuno makigbayloay ug dagway sa liga. Matod pa niya nga siya wala nay maot nga gipamati sa panglawas. Sayod man ta nga nihinay nis Kawhi tungod sa mga injuries nga nakuha niya sa pipila ka tuig.
Ang Miami Heat walay plano nga e-trade si Tyler Herro, Nikola Jovic, Caleb Martin, Jaime Jaquez Jr, ug 3 ka 1st round nga pick sa prangkesa para lang makuha nila si Damian Lillard. Kay ug buhaton nila kini, maalanganin sila sa back court ug kulang kini human nila gi-trade si Vincent ngadto sa Lakers.
Ang beterano nga si Rudy Gay, naa na karon sa State Warriors. Kini nipirma ug one-year deal sa maong prangkesa.
Karon ang pangotana angay paba ni tawhana mosabay sa mga talent sa GSW? Kita ta nga nagkaanam na kini ug kahinay kumpara ni Howard nga hangtod karon kusog pa gihapon modula labi na sa iyang posisyon isip sentro.
Si Damian Lillard, toa na sa Milwuakee Bucks. Homan kini nangayo ug trade sa Portland. Isa ang Miami Heat nga nagka interesado kaniadto apan wala nila makuha si Lillard.
Dakong kahiubos sa mga Heat fans ug mismo si Jimmy Butler pa ang nasuko kung ngano kuno wala ni nila makuha.
***
Diri sa atoa aning gipahigayon nga Governors Cup, duha nalang sa kada dibisyon ang nahabilin para mag-ilog sa pagkakampyon. Sa open dibisyon magsangka ang Tagbilaran City batok sa Talibon, samtang sa junior dibisyon magsangka ang Tagbilaran City batok sa Jagna.
Na istorya nako ang isa sa nagdumala sa Governors cup diin kani siya maoy coach sa team PGBH nga si coach Gelbong Bongato. Matod niya nga lamang ani ang Tagbilaran both open ug ang juniors. Apan ang Talibon maoy dunay tsansa nga ma upset ang Tagbilaran City.
Then ang kaning Jagna samot sila ka alkansi kay ang Tagbilaran dagko ug samot kay injury si Pacaldo. Pero basin diay dunay gi andam pod ang Jagna sa ilang dula puhon.
Ang game 1 pagahimoon karong umaabot Oktubre 1, 2023 sa 6pm ang takna adto sa Bohol Wisdom School. Daghang salamat ug maayong adlaw sa tanan.
