GIPAHIGAYON na Lunes sa buntag ang MOA signing tali sa Department of Heath nga girepresentahan ni DOH-7 Dir. Jaime Bernadas ug mga mayor.
Mahitungod kin isa Inter-LGU Cooperation for Bohol Province-wide Health System.
“Gipahigayon nato ang atong Unveiling Ceremony sa atong MOA Signing, alang sa usa ka —-One Unified Healthy Bohol. Mao kini ang atong damgo para sa tanan, mapobre man o adunahan”, pamahayag pa ni Gob. Aris Aumentado.
“Mapasalamaton ako sa atong mga mayor, sa PHO ug sa tanang naglihok kay kini sa hinayhinay anaa na ang katumanan.”
Mayorya sa mga mayor nitambong sa maong kalihokan nga matud pa ni LMP-Bohol ug Buenavista Mayor Dave Duallo nga pagpamatuod nga ang sektor sa panglawas prayoradidad sa ilang dapit.
Kahinumduman nga ang Bohol maoy mahimong host sa Pilot Implementation sa Univsersal Healthcare nga pagahimuon karong Nobyembre 2023. (Kahlil Lester O. Camba)
