GI-TURNOVER na ang mga DOLE Livelihood checks alang sa mga nagkugi nga mga kapunungan didto sa Segundo Distrito nga gidumala ni Congw. Vanvan Aumentado.
Niabot kini sa P2,519,712. Nag-una ang Sta. Clara Organic Farmers Association (Sta. Cruz , Dagohoy) nga nakadawat og P 993,696 samtang P653,416 alang sa Babag Farmers Association didto sa Babag, Dagohoy.
Didto sa Sagbayan, P373,128 ang gigahin sa Ubojan Sagbayan Farmer Association ug P 499,472 sa (HHMMSK) o ang Hugpong sa Mag-uuma nga Maampingon sa Kalikupan sa San Miguel.
Gumikan sa mga pundo nga napagawas pinaagi sa DOLE, mapasalamaton si Congw. Aumentado nila DOLE Provincial Head Lulu Cantona, Joveline Requinto- Senior LEO, Jason Pondoc- LEO 3 ug sa tanang DOLE Officers/ staff, Provincial Livelihood Coordinator Lita Verenio lakip na ni Asst. Coordinator Gaye Mabanag.
Si kanhi Dagohoy Mayor Moloy Apat ang nirepresentar kang Gob. Aris Aumentado samtang personal nga nasaksihan ang kalihokan nila Sagbayan Mayor Junjun Suarez ug San Miguel Vice Mayor Lito Bulaga.(Kahlil Lester O. Camba)
