ANG barangay maoy giila nga “smallest form of government” apan maoy nag-unang ang-ang sa serbisyo-publiko.
Kon buot kwentahon, sa barangay magsugod ang dayag nga pang-gobyerno.
Gani, ang Kapitan, alang sa uban, mas labaw pa sa Presidente. Ngano? Kay ang Presidente “only acts as an Executive not as a Judiciary.
Apan ang usa ka Kapitan makalihok sa duha. Buot pasabot, nagdoble ang iyang trabaho.
Kini usab nagpasabot nga dili angay biay-biayon ang mga opisyales sa barangay — kay sila ang unang modasmag kon anaay problema ang komunidad.
Ang nakapait lang, kon kinsa pa ang ‘frontline’ sa public service, mao pa ang kuwang sa mga benepisyaryo nga angayang madawat.
Isip maoy unang moasdang sa mga suliran, angayan lang nga bubuan sa tanang suporta ang barangay, ug mas mapahamtang kini kon abagan og (mga) balaod nga anaay ngipon.
Maong sa umaabot Barangay ug Sangguniang Kabataan elections (BSKE) 2023, pagbutang og mga lider nga masaligan ug masandigan ug kanunay mopabor sa (maayong) interes sa katawhan.
Kining lindog: ‘Tingog sa Kabatan-onan’, abli sa inyong mga sugyot ug komento. Mamahimo kana ninyong mapaabot pinaagi niining akong numero 09638753562 o Gmail: subriowilsonauguis@gmail.com o sa Facebook ug Messenger account: Wilson Auguis Subrio.
Modawat lamang og seryoso ug dili binuang. Mag-amping kita, mga Bol-anon!
