UNSA man jud masulti ninyu kabahin ani ni Chot Reyes ug sa SBP?
Para nako, ngano mosugal man ta ni Clarkson kung mohatag lang siya ug pipila lang ka adlaw sa praktis? Ok ra unta ug mga NBA player ni iyang mga kauban, dili raba. So dako jud ang advantage dba?
Kani pud si Reyes, sakto ba ang iyang rotasyon? Nagsige lang rason ug learning experience. Hangtod kanus-a ang learning experience?
Nangotana lang.
***
Sa balibol, giimbetar ang BIT men ug women sa Siquijor sa ilahang 52nd araw sa Probinsya sa Siquijor. Uban niini ang mga nagkadaiyang mga teams sa Cebu, Bohol ug Siquijor.
Pagahimoon kini karong umaabot Septyembre 13-17 sa Siquijor Siquijor.
***
Ang liga sa Tagbilaran inter-agency gisugdan na. PGBH team A batok sa CAAP sa braket A.
Nagmalampuson ang PGBH sa iskor nga 93-109. Sa tabang kini ni Tatad nga grabe mamaw makalayat.
Sunod duwa karong Martes puhon kontra PMI sa 7:30pm ang takna. Adto kini sa court sa DPWH.
Ug mao kini ang sports balita karon. Daghang salamat ug maayong adlaw sa tanan!
