APROBADO na didto sa Ubos Balay Balauranan ang Physical Therapy Law ug i-transmit na kini ngadto sa Senado.
Nibisita usab sa buhatan ni Congw. Alexie Tutor ang Master Plumbers Association of the Philippines arun sa pagbuhat sa balaud kabahin sa ilang grupo.
Ang House Committee on Civil Service and Professional Regulation kon diin si Congw. Tutor ang Chairperson nipahigayon og Joint Meeting uban sa Committee on Health nga gipangulohan ni Batanes Cong. Ciriaco Gato arun han-ayon ang Medical Act alang sa mas mabungahon nga outputs.
Sa laing bahin, nahuman na ang Turnover Ceremony sa MultiPurpose Building sa Lombog, Guindulman kantidad P5M.
“At last nahuman na gyud. Gikan sa tulay, ngadto sa concreting, karon ang covered court na usab. Duna pa gyud tay pa aboton puhon sa 2024 na dakong concreting worth 50M, Kaloy-an sa Ginoo ug walay mga kakulian sa nat’l budget. Inana akong pagsalig sa brgy Lombog ug inana pod ang akong dakong suporta sa liderato ni Kapitan Loloy Morales. Atong ipadayon ang atong maayong relasyon. Kamao mo kumbati nga dunay agi na makit-an”, pamahayag pa ni Congw. Tutor.
P896,489.00 usab ang gitunol nga ayuda panginabuhian ngadto sa Pilar Small Coconut Farmers Association (Cattle Fattening) ug Catagdaan Women’s Association (Sewing Services). (Kahlil Lester O. Camba)
