1000 ang nakadawat sa tag P5,000 didto sa Ubay Gym pinaagi sa AICS program sa DSWD ug pagpaningkamot sa TINGOG Partylist, Gov. Aris Aumentado, Congw.Vanvan Aumentado ug LGU-Ubay .
Sa Ubos Balay Balauranan, sila Congw. Yedda Romualdez ug Cong. Jude Acidre ang naglingkod isip representante samtang dinhi sa Visayas ilang kaabag si Presidential Assistant for the Visayas, USec. Terrence Calatrava.
500 ang gikan sa Ubay, 100 sa Bien Unido, 100 sa Pres. CPG, 100 sa Trinidad, 100 sa Dagohoy ug 100 sa San Miguel.
Ang mga educational, medical , burial assistance mahimo na idangop sa 81st Alagang Tingog Center sa Ubay nga naa mahimutang duol sa Balay Lungsod.
Mapasalamaton og dako si Mayor Costan Reyes sanglit ang social services mao man ang usa sa mga gihatagan og pagtagad sa iyang pagpangalagad.
Dunay mga electronic raffle nga gipahigayon kon diin ang mapilian nakadaug sa mga bisikleta, tag 5 ka kilong bugas ug uban pa.
Human sa Ubay, samang kalihokan ang gipahigayon sa Sierra Bullones, Balilihan ug Dakbayan sa Tagbilaran.
Namahayag si Congw. Vanvan Aumentado nga dili lamang kini ang unang higayon nga mohatag sa mga kaayohan ang TINGOG partylist ug sa kanunay mapasalamaton ang mga Bol-anon ilabi na kang House Speaker Ferdinand Martin Romualdez.
Si Speaker Romualdez ang kapikas sa kinabuhi ni Congw. Yedda. (Kahlil Lester O. Camba)
