PANAAD ni Presidente Bongbong Marcos Jr. nga ang nasud Pilipinhon mahimong usa ka nasud nga abunda sa pagkaon.
Damgo usab ni PBBM nga mahimong P20/kilo ang bugas ug mobarato ang mga nag-unang pamaliton. Nahitabo na kini pinaagi sa mga Kadiwa Stores sa nasud.
Ang paghatag og klarong suporta sa sektor sa agrikultura pinaagi sa maayong mga programa ug proyekto sa gobyerno, maoy makapa-abante sa Pilipinas.
Usa sa dakong rason nganong ang mga mag-uuma maoy pinakapore nga sektor, kay nabulit kini sa daghang utang
Aron makatabang sa paglambo sa sektor sa agrikultura ug mga mag-uuma, gipasar ang balaod nga magwagtang sa utang sa mga mag-uuma sa yuta nga ilang gitikad o gi-award.
Gilagdaan ni PBBM ang Akta Republika 11953 o ang “The New Agrarian Reform Emancipation Act”.
Pinaagi sa maong balaod, mapahimuslan sa 610,054 nga agrarian reform beneficiaries ang yuta nga gihatag sa Department of Agrarian Reform (DAR) ngadto kanila nga libre o walay obligasyon sa Land Bank of the Philippines.
Apan dili puwede nga ibaligya sa mga makadawat sa yuta ang ilang yuta kon wala pa’y napulo (10) ka tuig. Guinadili ang pagbaligya kon mahimo.
Ana-a pa’y 11.2% nga yuta ang wala pa mahatag.
Ang tibuok nasud kaniadtong Oktubre 21, 1972 una ng gideklara sa amahan nga Marcos ang Pilipinas isip agrarian reform area.
Ang RA 11953 maoy tubag sa panaad ni PBBM atol sa iyang unang SONA nga haw-ason ang mga mag-uuma sa kabug-at sa ilang utang.
Pangandoy usab sa administrasyong Marcos ug sa DAR nga makab-ot ang tumong nga “Sariling Lupa Para sa Bagong Bukas na Masagana” alang sa mga farmer-beneficiaries ug sa ilang mga pamilya.
Kining lindog: ‘Tingog sa Kabatan-onan’, abli sa inyong mga sugyot ug komento. Mamahimo kana ninyong mapaabot pinaagi niining akong numero 09638753562 o Gmail: subriowilsonauguis@gmail.com o sa Facebook ug Messenger account: Wilson Auguis Subrio.
Modawat lamang og seryoso ug dili binuang. Mag-amping kita, mga Bol-anon!
