GIAWHAG sa Sangguniang Panlalawigan (SP) ang Pilipinas Shell Petroleum Corporation ug Forestview Realty and Development, Inc. nga tumanon ang rekomendasyon sa Department of Environment and Natural Resources (DENR) nga mananom og 4,000 ka punoan sa kahoy aron makabawi sa kontrobersyal nga pagputol niini sa upat ka kapin na sa siglo nga mga punoan sa Acacia sa Taloto, Tagbilaran City.
Matod ni Bise-gobernador Dionisio Victor Balite, ang SP nipalabang og resolusyon nga nanawagan sa duha ka kompanya nga mosumiter og pruweba sa pagsunod sa higayon nga makatanom na sila sa mga kahoy.
Si Balite niingon nga ang DENR nirekomendar sa pagtanom og 1,000 ka punoan sa matag usa sa upat ka punoan sa acasia nga gipamutol sa Baguio Drive sa Barangay Taloto, Tagbilaran City.
Ang DENR, sa usa ka taho sa insidente, nirekomendar “alang sa Forestview Realty and Development, Inc. kauban ang Shell Corporation, nga magtanum ug 1,000 ka mga lumad nga kahoy baylo sa obe acacia tree sa mga site sa National Greening Program.”
Apan, si Ariel Rica, hepe sa Provincial Environment and Natural Resources Office (PENRO) niingon nga wala pa nila i-relay ang rekomendasyon ngadto sa Forestview ug Shell.
Si Rica miingon nga ang PENRO ug CENRO motabang sa duha ka kompanya sa tree-planting initiative nga ipahigayon sa wala pa matino nga dapit ubos sa National Greening Program.
Kaniadtong Abril ning tuiga, ang Shell ug Forestview naglutaw sa init nga tubig tungod sa pagwangtang sa mga siglo nga punoan nga ilang gipamutol aron mahatagan ang dalan alang sa pagtukod sa usa ka istasyon sa gasolina. (RTB)
