LAYU pa sa kritikal ang lebel sa tubig sa mga dagkong dam sa probinsya taliwala sa opisyal nga pagsugod sa El Niño sayo ning buwana nga gilauman nga hinungdan sa ting-uwan sa kadaghanan nga bahin sa nasud.
Si Engineer Maria Autida, operations chief sa National Irrigation Administration (NIA) 7, niingon karong bag-o nga ang lebel sa tubig sa Malinao Dam sa Pilar, Capayas Dam sa Ubay, Bayongan sa San Miguel ug Talibon Dam sa Talibon anaa pa sa “95 percent elevation” o duol sa spill level.
Matod ni Autida, ang mga dam nagtigom ang tubig tungod sa padayong pag-ulan sa miaging mga semana bisan pa man sa presensya sa El Niño.
Bisan pa, si Autida miingon nga usa ka hinungdan sa pag-ubos sa lebel sa tubig sa sa maong tuig.
Iyang namatikdan nga ang mga dam kinahanglan nga magtigum og tubig karong ting-uwan apan ang gipaabot nga pagkunhod sa pag-ulan mosangpot sa pagkunhod sa lebel sa tubig alang sa paggamit sa ting-init sa sunod tuig.
“Tungod sa pagkunhod sa rainfall naa g’yud tay ma observe sa pagkagamay sa atong pag store og tubig mao na among tan-aw karon, maapektuhan ta during the dry season sa 2024,” matod ni Autida.
Matod ni Autida nga 50 ngadto sa 80 porsiyento sa mga lugar nga giserbisyuhan sa dagkong mga dam sa probinsiya ang dili matubigan sa “worst-case scenario” kalabot sa epekto sa El Niño pinaagi sa dry spells o huwaw. (RTB)
