Ni: Wilson Auguis Subrio
Napulo (10) ka mga barangay sa lungsod sa Loon ang na-grasyahan og suma-total nga P885,000.00 nga ayudang-pinansyal gikan sa Kagamhanang Probinsyal sa Bohol nga personal nga gihatud ni Gobernador Aris Aumentado isip bag-ong nawong sa pagpanerbisyo.
“Personal nato nga gibisita ang napulo (10) ka mga barangay didto sa Lungsod sa Loon aron makauban ang mga lumulupyo sa maong mga lugar ug ihatag usab ang mga pinansyal nga tabang gikan sa inyong Kagamhanang Probinsyal,” matud ni Gobernador Aris.
Ang 10 ka mga barangay mao ang mosunod:
Gitunol ngadto sa Brgy. Catagbacan Sur, Loon ang P150,000 alang sa pag-instalar sa Solar Street Light Posts. Gikan kini sa buhatan nila ni Board Members Benjie Arcamo, Aldner Damalerio, ug Lucille Lagunay.
Ang Brgy. Candaigan, Loon gihatagan og P140,000 alang sa road concreting sa farm-to-market road. Gikan kini sa mga buhatan nila ni BM Arcamo, Damalerio, ug Lagunay.
Brgy. Catagbacan Handig, Loon – P120,000 alang sa pagpalit og black plastic chairs. Gikan kini sa mga buhatan nila ni BM Arcamo, Damalerio, ug Lagunay.
Nadawat sa Brgy. Lintuan, Loon ang P105,000 alang sa gipahigayong selebrasyon sa Barangay Day. Gikan kini sa mga buhatan nila ni Bise-Gobernador Dionisio Victor Balite, BM Arcamo, Damalerio, ug Lagunay.
Gi-grasyahan ang Brgy. Cantam-is Bago, Loon og P100,000 alang sa pagpalit og duha ka mga laptop ug printer. Gikan kini sa mga paningkamot nila ni BM Arcamo, Damalerio, ug Lagunay.
Brgy. Canhangdon Oriental, Loon – P80,000 alang sa pagpalit og duha ka computers with printer. Gikan kini sa paningkamot ni kanhi Bise-Gobernador Rene Relampagos.
Brgy. Canmaag, Loon – P50,000 alang sa pagpalit og sound system. Gikan kini sa buhatan ni BM Damalerio.
Brgy. Sondol, Loon – P50,000 alang sa pagpalit og plastic chairs ug tables. Gikan kini sa buhatan ni BM Lagunay.
Brgy. Taytay, Loon – P50,000 alang sa pagpalit og mga plastic chairs. Gikan kini sa buhatan ni BM Lagunay.
Ug Brgy. Genomoan, Loon – P40,000 alang sa pagpalit ug plastic chairs. Gikan kini sa buhatan ni BM Lagunay.
“Aron madawat nila ang P200,000 nga assistance alang sa ilang mga priority projects, ato silang gi-awhag nga i-liquidate ang mga nadawat nila na mga tseke,” ang kanunay pahinumdom sa amahan sa mga Bol-anon.
