PANGDAKPON na kadtong mga magsige og text ug tawag samtang magmaneho og bisan unsa nga sakyanan ug pamultahon og daku-daku nga kantidad ingon man posibleng kuhaan og driver’s licence.
Ubos sa Anti-destructed Driving Act gidili na sa tanang drivers, pangpublikong sakyanan o pribado man ang pagtawag o motubag o sa pag text sa ilang selpon samtang nagmaneho og sakyanan.
Ang multa sa madakpan mao ang P5 mil sa first offense, P10 mil sa second offense, P15 mil sa third offense ug sa ika-upat, P20 mil ug revocation sa driver’s license.
Matud pa sa Land Transportation Office nga ipatuman na gyud ang maong balaud kini bisan pa man nga magbriefing pa sa mga traffic enforcer ug deputized agents sa maong buhatan.
Dugang niini nga ang LTO hinoon hagbay rang nanakop sa mga drayber nga naghimo sa maong salaod.
Ubos sa maong balaod, dili hinoon dakpon ang usa ka drayber kun hands-free device ang iyang gigamit ug dili kini makababag sa iyang panan-aw. Exempted usab ang tawag alang sa emergency calls, sa otoridad, health care provider, fire department ug uban pang susamang ahensiya. (RTB)
