NAGPADAYON ang paghingusog sa Police Regional Office-7 sa ilang kampanya batok sa tanang matang sa krimen ug agi usab kini og pagsanong sa panawagan ni Chief PNP Police General Benjamin Acorda Jr. nga protihian ang katawhan.
Ang PRO-7 nakadakop og 28 ka high value drug personalities ug naka-recover og P4.6 kilos sa shabu apil na ang 1.7 kilos sa marijuana nga ang tanan mobalor og P31.2 million sa ilang anti-drug operations sa Central Visayas sa milabay nga semana.
Matud pa 23 percent ang pagkunhod sa krimen sa rehiyon karon ug usa sa gituohan nilang dako og epekto mao ang ilang gipakusgang kampanya batok ilegal nga drugas.
Base sa datos sa PRO-7 gikan sa Abril 23 hangtod sa 29, 2023 moabot sa 4.6 kilong shabu ang nakompiskar nga dunay Standard Drug Price value nga P31 million ug 1.7 kilong marijuana nga mobalor og P200 mil ang nakompiskar sa 191 ka operasyon nga ilang gihimo.
Si Brigadier General Anthony Aberin, hepe sa Police Regional Office-Central Visayas (PRO-7) nagkanayon ang drug haul sa miaging semana nagpakita nga epektibo ang intelligence-driven approach ug extensive anti-drug drives nga taktika batok sa problema sa ilegal nga drugas sa Central Visayas.
“I hope by this time illegal drug personalities have realized that illegal drug activities have no place in Central Visayas,” matud ni Aberin. (RTB)
