GIPASABOT ni Police Colonel Lorenzo Alfeche Batuan, Provincial Director sa Bohol Police Prov’l Office (BPPO) nga kaning tigbakay wala gyud gitugot sa balaod gawas lang sa mga legal nga cockpit arena.
Sumala ni Batuan nga bisan ang tigbakay panahon sa fiesta gidili sab kini gawas kun adunay ordinansa ang usa ka Local Government Unit nga nagtugot nga kini buhaton panahon sa fiesta.
“Bawal gyud gihapon na siya pero kung naa sila’y ordinansa nga i-allow nila na during fiesta wala tay mahimo kay naa man sila’y ordinansa pero og wala bawal gyud na, mao na mga fiesta unsa pa nga mga okasyon nga mogara pud ning mahilig sa manok kung wala’y mga kuan amo gyud na sila ipadakop,” pasabot ni Batuan.
Una niini, nagtinguha ang pipila ka LGU nga tukion ang legalidad sa mga pagpapahigayon og sabong sa kabarangayan ilabi na karon nga daghang mga magsaulog sa kapistahan. (RTB)
