MIHATAG ang kagamhanang probinsyal sa Bohol og P1.6M para sa kagamhanang lokal sa Tagbilaran para sa Saulog 2023 nga kalihokan
Si Governor Aris Aumentado ang nilawas nga nitunol ngadto kang Tagbilaran City Mayor Jane Yap ug mga konsehal sa Sanggunian Panlungsod sa P1.6M nga hinabang gikan sa Capitolyo ngadto sa City Hall para magamit sa mga kalihokan.
Gihimo ang pagtugyan ni Governor Aumentado sa tseke ngadto kang Mayor Jane Yap karong buntag didto sa Office of the City Mayor karong bag-o.
Gisaksihan ang pagtugyan nila ni Konsehal Jane Ruiz, Konsehal Tim Butalid, Konsehal Gemma Inting, Konsehal Ondoy Borja, Konsehal Bebot Budlong, ug Konsehal Butchie Zamora.
Kahinumduman nga human sa duha ka tuig nga gikan sa pandemiya, ang kagamhanang lokal sa Tagbilaran pinangulohan ni Mayor Jane Yap ug Vice-Mayor Adam Jala ang mapasigarbohong nihan-ay sa mga kalihokan sa Saulog 2023 para sa kapistahan ni Senyor San Jose karong Mayo 1. (RTB)
