NISALUDAR si kanhi mayor Exuperio “Eksam” Lloren sa “outstanding delivery” sa mga proyekto sa kasamtangang pamunuan ni Mayor Joseph Rañola.
Si “Eksam” ang mayor kaniadto sa Jagna kon diin ang bise mayor niya mao man ang amahan ni Bise Mayor Teofisto “Jopags” Pagar Jr. nga si Teofisto Sr.
Ang Jagna sukad sa pamunuan ni Mayor Rañola gibaha sa mga proyekto gikan sa national nga pangagamhanan gumikan sa lig-on nga koneksyon sa mayor ngadto sa mga kadagkuan sa kauluhan.
Naglakip kini sa Jagna Baywalk, pagpanindot sa Jagna Gymnasium ug uban pa. Gidapit pa sa mayor niadtong Pebrero 1, ang mga professional artists sama nila Butch Esperanza ug Katsch Catoy gikan sa Cultural Center of the Philippines.
Niadtong Marso 16, 2023 gipangunahan ni Bise Mayor Teofisto Pagar Jr. ang inspection sa padayon katukuran sa bag-ong P6.4M nga PNP Building sa lungsod. Kauban niya si Municipal Administrator Teresa Gina Ranan ug PSMS Jose Lunar Villamore sa Regional Engineering Unit.
Ang mga tinugyanan usab sa DENR-EMB nipahigayon sa ilang pakisusi sa mga gipang-deliver nga materyales alang sa paghimo og Brand New Preliminary Disinfection and Storage Facilities didto sa Jagna Eco Park.
Kini naglakip sa 20-footer container ug 100-liter yellow bins nga dunay 4.5 toneladang kapasaidad.
Maghatag kini sa premilinary disinfection ug pagtipig sa basura o healthcare waste.
Ang paspas nga kalamboan gumikan na usab sa maayong pakig-alayon sa Sangguniang Bayan nga suportado na ang mayor.
Namahayag si kanhi mayor Lloren nga sa si Mayor Rañola na ang namunuan sa Jagna nahatagan sa katumanan ang iyang mga maayong tinguha sa siya pa ang mayor.
“Daghan man ang mga buotan diha apan dili maka-deliver. Mao na si Mayor Rañola. Dili lang basta delivery; outstanding delivery gyud! .”
“Ang grabe nga development sa Jagna nahitabo karon. Walay laing mayor sa lungsod ang nakahimo ana.” (Kahlil Lester O. Camba)
