NAHIMONG “Mental Calisthenics” alang sa taga Tersiero Distrito ang sagunsong mga tigum nga gipahigayon ni Congw. Alexie Tutor.
Una niini ang ilang tigum uban nila PRC Commissioner, Atty Erwin Enad lakip nia Jerico Borja ug Engr. Nec Guevarra.
Ilang gituki ang pipila ka mga amendment sa Mechanical Engineering Law.
Laing tigum usab ang gipahigayon uban nila ARTA USec. Rabin Quilala, Leonardo Tapia, Anda councilor Mario Alonso samtang apil ang mga kadagkuan sa BFAR Legal Department.
Kini naglakip nila Atty Javier, Atty Demaisip ug Ms Gonzalez. Gihesgutan sa maong tigum ang Fishpond Lease Agreement dispute.
Nakita kini nga maayong kalamboan ni Congw. Tutor isip Chairperson sa House Committee on Civil Service and Professional Regulation.
Dugang pa niya nga nakat-unan niya ang mga nagkadaiyang mga propesyon ug mas nasabtan pa kini. (Kahlil Lester O. Camba)
