GIPAHINUMDUMAN sa ikaduhang labing-labaw nga opisyal sa Bohol ang katawhan nga kanunay magmatngon aron malikay sa sunog nonot sa kasaulogan sa fire prevention month.
Si bise-gobernador Dionisio Victor Balite mipaambit sa iyang nabasa nga mga tips kon pahimangno gikan sa Bureau of Fire Protection unsaon nga makalikay sa sunog.
Lakip na niini ang pag-check sa mga LPG tank ug pagpawong sa tanang electrical equipment o pag-unplug sa mga appliances kon dili gamiton aron malikayan ang pag-overload sa electrical circuits ug dili biyaan ang mga gadget nga gi-charge.
Likayan usab ang pagpanigarilyo sulod sa balay ug dili ipataka og labay ang mga upos niini, sigon sa mayor.
Dugang ni Balite nga kinahanglan usab nga planohan daan ang emergency ug evacuation plan sa balay aron magpabiling kalmado panahon sa fire emergency.
Gipahinumdoman usab sa sa bise-gobernandor ang katawhan nga motawag dayon sa otoridad panahon sa emerhensya.
Subay niini, ang Bureau of Fire Protection (BFP) sa Bohol nipahimangno sa publiko mahitungod sa mga hinungdan sa sunog diin kaniadtong Marso 1 nagsugod na usab ang pagsaulog sa fire prevention month.
Ang mga kalihokan sa fire prevention month adunay tema karong tuiga nga: “Sa pag-iwas sa sunog hindi ka nag-iisa.
WOMEN’S MONTH
DAKO og tampo sa kagamhanan ang mga kababayen-an. Kini ang gibutyag ning pamantalaan ni Balite kinsa mao ang acting-governor sa Bohol sulod sa usa ka semana tungod sa opisyal nga lakaw ni Gobernador Aris Aumentado sa nasud sa Israel.
Sumala ni Balite nga dili lang niining buwan sa Marso matag tuig angayan nga hatagan sa pasidungog ang mga babayer kon dili sa tanan unta nga panahon.
Gihangop usab ni Balite ang dakong natampo sa kababayen-an sa kagamhanan sa lalawigan sa Bohol.
Nagkanayon pa ang bise-gobernador nga ang mga babaye karong mga panahona maoy nahimong katimbang sa gitinguhang kausaban.
Matud sa opisyal nga dako kaayo ang kalainan karong panahona sa kababayen-an itandi sa kababayen-an kaniadto.
Ang kababayen-an karon independente na ug makahimo sila sa buot nilang pagahimuon sa unsa man ang gusto nila nga pagabuhaton bisan sa mga buhatan sa kagamhanan diin mga babaye ang labing daghan nga department head. (RTB)
