KUSGANONG gipahinumdum ni Sen. Ronald “Bato” Dela Rosa ngadto sa mga katawhang Bol-anon nga magtinabangay sa pakigbisog batok sa ginadiling drugas.
Dugang pa niya nga mao kini ang iyang hangyo alang sa mga Bol-anon sanglit Bol-anon man usab siya ug dili mausik ang ilang nasugdan ni kanhi Pres. Rody Duterte.
Si Sen. Bato, uban ang iyang anak nga Chief of Staff sa iyang buhatan nga si Macky Dela Rosa-Entoesta maoy nga pinasidunggang dinapit atol sa AICS Payout.
Sa maong kalihokan, 333 ka mga Duerohanon ang nakadawat sa tag P3,000 nga suma pa kang Mayor Al Taculad nga gipili “equally proportionate” sa mga barangay sa lungsod.
Gipahinumduman ni Sen. Bato nga ang kampanya batok ginadliling drugas dili madali sanglit lawom man kini nga suliran sa katilingban nga nakaguba sa kinabuhi sa uban.
Daghan usab ang nakamatikud nga hinay-hinay nang nibalik ang niduwa sa ginadiling buhat sa nikanaog na sa pagka presidente si Rody Duterte.
Matud pa kang Duero Mayor Al Taculad nga dako kaayo nga garbo alang sa ilang lungsod nga anhaon sa usa ka senador uban mismo sa iyang anak.
Niresulta kini sa pagtando ni Sen. Bato sa hangyo ni Mayor Taculad alang sa bag-ong Fire Station.
Lahi pa ang P15M gikan sa buhatan ni Sen. Win Gatchalian alang sa pagatukorong Bag-ong Legislative Building sa lungsod.
“In-high-morale” ang mga opisyales sa lungsod sanglit nagmalampuson ang maong kalihokan nga suma pa sa tinubdan, maoy pinaka “bongga” nga AICS payout nga gipahigayon sa Bohol. (Kahlil Lester O. Camba)
