GIAWHAG sa lider sa Simbahang Katoliko ubos sa Diocese of Tagbilaran ang mga batan-on nga mag-focus una sa ilang edukasyon ug likayan ang kaswal nga pakig-hilawas.
Si Bishop Alberto ‘Abet’ Uy, D.D, miingon nga ang role sa simbahan mao lang ang pag-awhag sa kabatan-onan nga mamahimong responsable tungod kay mahimo man nga adunay karelasyon sa usag-usa (babaye ug lalaki) ug likayan ang paghimo sa buhat sa mga minyo na kon casual sex.
Miingon ang obispo nga wala’y pagbag-o nga gihimo sa gitudlo sa simbahan kalabot sa pakig-hilawas kung kasal na ang usa ka babaye ug lalaki.
Gipasabot ni Bishop Abet nga ang simbahan makahimo ra og pahinumdom dinhi labi na nga ang mga batan-on dili pa andam nga suportahan ang pamilya ug padakuon ang usa ka bata.
Dugang niini nga mas maayo nga magtutok una sa pagtoon ang kabatan-unan ug maghulat hangtod nga sila ma-andam na sa pagsulod sa salag sa kaminyoon. (RTB)
