NAHIMO nang hingpit nga balaod ang congressional Library bill ni first district Cong. Edgar M. Chatto.
Una niini, miduso si Chatto sa House Bill 08384 nga nag-establisar sa Bohol First Congressional District Library sa Balilihan ug kini nahimong balaod pinaagi sa Republic Act 11636.
Kini gipirmahan ni presidente Rodrigo Duterte niadtong Dec. 10, 2021, ug ang promulgation nahitabo 60 ka adlaw human napirmahan.
Ang Balilihan Congressional Library mao ang ikaduhang Congressional Library nga napahiluna pinaagi sa usa ka balaod dinhi sa nasod.
Kini nahimutang kilid sa Bohol Island State University (BISU) Balilihan Campus, nga laing napahiluna usab ni Chatto.
Gumikan sa napanday nga balaod, ang library sa Balilihan ubos na karon sa direktang control ug pagdumala sa National Library of the Philippines (NLP).
Ang maong Congressional Library ang maapil sa mga programa alang sa pundo niini sa annual budget sa NLP diin giila kini isip top performing library sa nasod. (RTB)
