CATIGBIAN, Bohol – gipahinumduman ni Mayor Elizabeth ‘Abeth’ Mandin ning lungod ang katawhan nga kanunay magmatngon aron malikay sa sunog nonot sa kasaulogan sa fire prevention month.
Ang mayor mipaambit sa iyang nabasa ug kasayuran nga nakuha gikan sa Bureau of Fire Protection (BFP) nga mga tip unsaon nga makalikay sa sunog.
Lakip na niini ang pag-check sa mga LPG tank ug pagpawong sa tanang electrical equipment o pag-unplug sa mga appliances kon dili gamiton aron malikayan ang pag-overload sa electrical circuits ug dili biyaan ang mga gadget nga gi-charge.
Likayan usab ang pagpanigarilyo sulod sa balay ug dili ipataka og labay ang mga upos niini, sigon sa mayor.
Dugang ni Mayor Mandin nga kinahanglan usab nga planohan daan ang emergency ug evacuation plan sa balay aron magpabiling kalmado panahon sa fire emergency.
Gipahinumdoman usab sa mayor ang katawhan sa Catigbian nga motawag dayon sa otoridad panahon sa emerhensya.
Subli nga nipahimangno ang mayor ngadto sa publiko mahitungod sa mga hinungdan sa sunog diin sugod kaniadtong Marso 1 nagsugod na usab ang pagsaulog sa fire prevention month.
Ang mga kalihokan sa fire prevention month adunay tema karong tuiga nga: “Sa pag-iwas sa sunog hindi ka nag-iisa.” (RTB)
