PUROS gipang abagan sa kagamhanang Probinsyal nga gipangulohan ni Gob. Aris Aumentado ang 489 ka mga pamilya nga namakwit ngadto sa mga nagkadaiyang evacuation centers.
Kini gumikan sa walay undang nga pag-uwan pipila ka mga adlaw na ang nilabay.
Dunay mga gipang-apod nga relief packs nga dunay sulod nga (5) lima ka kilong bugas ug (8) ka delata ( 4 ka sardinas, 4 beefloaf).
Suma pa sa mga datus, 146 ka mga pamilya sa Clarin ang giabagan, 38 sa Inabanga, 74 sa Carmen, 38 sa Loboc ug 6 sa Sevilla.
Ang Pilar 60 ka mga pamilya ang natabangan samtang 33 sa Alicia, 25 gikan sa Calape,10 sa Catigbian ,9 sa Maribojoc, 17 sa Candijay ug 14 sa Guindulman ug 19 alang sa Lila.
Ang tanang mga hinabang gikan sa maayong kabubut-on sa Office of the Provincial Social Welfare and Development (OPSWD) nga giabagan pagpang-apod sa 702 Bohol Community Defense Center 7RCDG ARESCOM, Tarsier 117, DSWD National , mga nagkadaiyang LGUs. (Kahlil Lester O. Camba)
