USA ka aktibong myembro sa AFP ang gidakop sa mga elemento sa Danao PNP nga gipangulohan ni P/Lt. Wilson Orapa.
Ang suspetsado giila nga si SSgt. Alejandro Bautista y Cenabre, 37 anyos ug residente sa Poblacion sa maong lungsod.
Nagpabuto sa iyang armas de fuego kaduha ka higayon si Bautista sulod sa Danao Gym kon diin gipahigayon ang Disco alang sa kapistahan sa Lungsod.
Nasakmit sa iyaha ang kalibre 45 STK Armscor, usa ka magazine ug 12 ka buhing bala.
Dunay mga nakita sa palibot nga “2 empty shells” sa kalibre 45 lakip na ang usa ka “deformed fired bullet”.
Suma pa sa tinubdan, ang maong suspetsado magpabuto sa armas kon mahubog samtang wala pa matino kon lisensyado o dili ang armas nga gigamit. (Kahlil Lester O. Camba)
