SI Mayor Car Monillas Camacho sa Getafe, Bohol nagbaod o warning sa mga bumibiyahe sa dili sa pagtabok sa kadagatan karong mga panahona tungod sa hangin.
“Sa atong mga kaigsoonan nga Getafenhon nga buot molabang gikan sa Cebu unya dili makalahos ron adlawa tungod sa GALE warning, dili lang ta mukompyansa mupogos og byahe mopakyaw og pumpboat aron makauli mo celebrate sa kapaskohan sa yutang natawhan uban sa pamilya,” matud sa mayor sa iyang facebook post.
Siya midugang, “KUSOG jud kaayo ang hangin og bawod sa dagat kay bisan ang barge ningsaka sa yuta kay nahadlok sa hangin og bawod.”
Sa samang kalamboan, ang mayor mipalanog nga libre ang tuition sa mga estudyante nga motungha sa Colegio de Getafe, kansang founder niini mao ang iyang igsoon, kanhi mayor Casoy Camacho.
“Atong ipahibalo nga sugod karon nga semester 100 percent FREE tuition na ang Colegio de Getafe,”a matud sa mayor.
“so giawhag nato ang atong mga tagi lungsod or bisan taga lain nga lungsod sa Bohol nga paskwelahon ang ilang mga pamilya nga wala pa nag college tungod sa kakuwang sa budget sa pagskwela.”
Unya katong mga ginikanan sa 1000 plus ka studyante ron sa CDG ayaw namo hatag para sa counterpart tuition sa inyong mga anak kay free na ang tuition,
Ang iyang awhag sa mga ginikanan nga “ang inyo bayaran kana nalang mga tampohon sa classrooms nga masabutan sa mga teachers og students.”
Mipasalamat si Mayor kang Gov. Aris Aumentado nga ninghatag daghan classrooms sa CDG sa siya congressman pa.
Ingon man si Congressman Van-van Cadorna Aumentadomodugang sa classrooms alang sa CDG. Kinit ungod sa sobra na ang student opulation sa colegio.
Mipasalamat usab siya Board of Trustees ug Sanggunaing Bayan members og ni Vice Mayor Casey Shaun Camacho. (rvo)
