GIHATAGAG dugokan sa Kagamhanang Probinsyal sa Bohol ang suporta sa iyang gagmay nga mamumuhunan subay sa Magna Carta for Micro, Small, Medium Enterprises (MSMEs) pinaagi sa usa ka ordinansa nga magapugos sa mga nasudnong ahensya, Regional Line Agencies (RLA) ug uban pang mga buhatan sa paggamit sa labing menos 10% sa ilang mga palitonon sa buhatan, dinhi paliton sa Bohol.
Sa gisugyot nga Provincial Ordinance No. 012-2022, gipahilunan didto ang sistema sa paggasto sa 10% sa kinatibuk-ang bili sa ilang mga palitonon nga gastohon alang sa mga palitonomn nga local ang paggama.
Matud sa Kalihim sa Sangguninag Panlalawigan sa Bohol, ang gisugyot nga balaodnon maoy sangputanan sa mga konsultasyon ug tigum sa Provincial Planning and Development Office (PPDO), Bohol Economic Development and Investment Promotion Office (BEDIPO) ug sa Buhatan Office si Board Member Atty. Jiselle Rae Aumentado Villamor niadtong Septembre, 2022.
Subay sa mandu sa Republic Act 9501, o ang Magna Carta for Micro, Small and Medium Enterprise (MSMEs), ang nahisgutang balaodnon, kon ikapatuman, mag bukas og mas daghang kapanarbaho-an, pag-ugmad sa ekonomiya, pagganingkamot sa mga mamumuhunan aron malampus ug pagpalig-on sa mga sukaranan sa ekonomiya sa nasud.
Subay sa sugyot, labing menos 10% sa kinatibuk-ang pamaliton nga gikinahanglan sa us aka buhatan o supplies niini, kinahanglang ginama sa local nga mga kamot, aron mapalig-on ang kapasidad sa mga local nga mamumuhunan.
Kahimunduman nga ang Central Visayas Regional Development Council (RDC) mipasa na og RDC Resolution No. 24 (S. 2022), niadtong Hunyo June 23, 2022, nga ngahnagyo sa mga Local Government Units sa Central Visayas sa pagpalusot sa Buy Local Ordinance.”
Gawas pa, sa gisugyot nga balaodnon, labing menos 60% sa mga baligya nga nihanyag sa mga Bohol Pasalubong Centers ug One Town One Product Hubs, kinahanglang dinhi sa Bohol himoa.
Gisugyot usab regular nga tabo sa mga MSMEs. (rahc/PIA-7/Bohol)
