GIPAHIMANGNOAN ni Dinah Gladys Oro ang Senior Trade Industry and Development Specialist sa DTI dinhi ang mga konsumidor karong umaabot nga pasko nga tan-awon gyud ang expiration date sa mga produkto nga paliton sanglit adunay mga label nga gipangsapaw lang. Siya nagkanayon nga mas maayo nga kamao gyud ang mga mamalitay.
Gitataw usab ni Oro ang ang pagsaka sa presyo nagsugod niadtong petsa 2 niining buwana ug wala kaayo dako nga pagsaka gawas nalang sa Ham.
Gi-awhag ni Oro ang mga konsumidor para masayod kung sakto ba ang pagsaka sa presyo nga i-download ang E-presyo sa ilang website.
Kinahanglan usab nga tan-awon sa mga konsumidor kung ang presyo nga nakatatak sa produkto ug ang presyo human nga na-scan sa cashier pareha kini ug kung dili kini pareha, ang bayaran gyud sa customer mao ang pinakaubos nga presyo.
Dugang pa niini, gi-klaro usab ni Oro nga wala nay mahitabo pa nga pagsaka sa presyo sa mga produkto nga hikayunon sa Noche Buena hangtud mahuman ang tuig. (RTB)
