GIPAHIGAYON sa Dakbayan sa Tagbilaran ang OWWA OCC (OFW Children’s Circle) Big Day didto sa Cultural Center.
Tumong niini nga mas mahatagan pa sa pagtagad ang mga anak sa Overseas Filipino Workers (OFWs) samtang maatiman ang mga panginahanglan sa mga anak nga nahabilin dinhi.
Dunay mga raffle ang gipahigayon nga maoy mas nipalingaw sa mga partisipante.
Duha sa mga kongresista sa Bohol ang nitambong sa maong panagtapok nga sila si 3rd district Congw. Alexie Tutor ug 1st district Cong. Edgar Chatto.
Suma pa ni Congw. Tutor, dili lalim mahimong anak sa usa ka OFW sanglit sa wala pa sila sa politika, OFW man didto sa Japan ang iyang amahan isip entertainer.
Ang iyang amahan mao si City Councilor Nic Besas nga kasamtangang PCL-Bohol Exec. Vice President.
Iyang giawhag usab ang mga kabataan nga mohuman sa pagskwela; nga maoy usa sa mga pinaka importanteng ikahatag sa mga anak ngadto sa ginikanan.
Sa Tersiero Distrito, gitambongan ni Congw. Tutor ang MOA signing sa mga lungsod alang sa pagbutang sa OFW Help Desk nga mahimong dangpanan sa mga nagkinahanglan.
Si Gob. Erico Aristotle Aumentado, kinsa girepresentahan ni Deputy Chief of Staff Anne Mariquit D. Oppus namahayag nga, “It’s not the distance which is the problem, but the physical presence.”
“Count on the blessings”, dugang pa niya.
Ang OFW remittances maoy usa sa mga nagbuhi sa ekonomiya sa Bohol bisan pa sa linog nga naagian ug mga bagyo. (Kahlil Lester O. Camba)
