NAGPANIKAD ang mga Senior Citizens sa Brgy. Labogon, Duero human gilusad ang JamsTiguls 2022 sa maong barangay.
Ang maong programa alang sa mga Senior Citizens matud pa kang Mayor Al Taculad sanglit ikalipay usab niya nga makahatag sa mga kaayohan bisan pa human na ang piniliay.
Giklaro usab niya nga gikan kini sa “personal” nga panudlanan ug walay labot ang bisan unsa nga pundo sa gobyerno.
“Fulfilled promises” kini suma pa sa mga lumolopyo nga nakahinabi sa media didto gumikan kay saad man kini ni Mayor
Taculad nga dili siya moundang sa pagpalambo sa Duero nga giingong “sleeping municipality” kaniadto.
Dunay 3 ka mga Senior Citizens ang nidaug sa tag P1,000 samtang 5 ang naka P500. 10 ka mga Seniors ang nakadaug sa tag P300 ug 10 usab ang tag P100.
Himoon kini kaduha sa usa ka buwan ug ang sunod nga venue mao ang “home barangay” ni Mayor Taculad ang Brgy. Bangwalog.
Ang Duero gibansagan na karon isip “Home of Fruits,Veggies and Spices. Gihimo na usab ang Soft Opening sa Barbeque Stalls nga naa mahimutang sa kilid sa Merkado Publiko duol sa Duero Police Station.
Sa Lunes, Nobyembre 28 ipahigayon ang Launching sa Christmas Decors sa maong lungsod nga gipaabot nga dumogon sa katawhan. (Kahlil Lester O. Camba)
