GIDEKLARAR ni Tagbilaran City Mayor Jane Yap nga andam ug bukas ang dakbayan sa Tagbilaran para sa mga information and communication technology (ICT) investors.
Kini gipadayag ni Mayor Jane Yap atol sa gihimong press conference karong bag-o sa pagbukas sa ika-14 nga Annual National ICT Confederation of the Philippines (NICP) Summit nga ang dakbayan sa Tagbilaran maoy host.
Matod ni Mayor Jane Yap nga e-showcase sa dakbayan sa Tagbilaran sa maong summit nga tambongan kinatibuk-ang ICT community nga andam, bukas ug welcome ang mga ICT investors dinhe sa dakbayan.
Gidasonan sad kini ni kanhi Mayor ug karon chief of staff Baba Yap nga ang dakbayan sa Tagbilaran dunay infrastructure ug talents para sa mga ICT investors gani duna nay duha ka business process outsource (BPO) ang nisulod niini ug gusto pang madugangan kini para madugangan pod ang kahigayonan sa panarbahoan. (RTB)
