NIDAGAYDAY sa Pilar ang P8M kantidad sa mga proyekto gikan kang Congw. Alexie Tutor.
Nahuman na ang turnover ceremony sa Multipurpose Building/Covered Court sa Brgy. Pilar (P5M) ug ang kantidad (P3M) nga Multipurpose Building Covered Court sa Brgy Aurora.
Ang Pilar kasamtangang gidumala ni Mayor Engr. Wilson L. Pajo. Ang lungsod gibansagang “Small Town with a Big Dream” o “Gamayng Lungsod nga dako og pangandoy”.
Apil si Mayor Pajo sa gibansagang “Voltes 5” sa LMP-Bohol nga naglakip nila Duero Mayor Al Taculad, Guindulman Mayor Ben Balo, Loboc Mayor Raymond Jala ug Garcia Hernandez Mayor Filadelfo Jess III V. Baja.
Apil ang mga proyekto sa Proyektong MMM ni Congw. Tutor nga Makita, mahikap ug mapahimuslan.
Sa laing bahin, ang LGU Pilar bag-o lamang nga naghimo sa ilang Formulation/Review Workshop sa MDRRM Plan sa 2023-2025 niadtong Nobyembre 15-17 didto sa Panglao. (Kahlil Lester O. Camba)
