MIAPELAR ang ikaduhang labing-labaw nga opisyal sa Bohol sa mga ahensiya sa gobyerno nga i-release og sayo ang Christmas bonus ug uban pang benepisyo sa mga kawani sa kagamhanan aron makapalit dayon sila sa ilang panginahanglan alang sa Pasko ug malikayan ang pagdagsa sa mga shopping malls ug ubang lugar.
Sigon ni Bise-gobernador Dionisio Victor A. Balite, Ph.D nga malikayan unya ang paghuot sa mga malls ug ubang shopping areas kon ma plano ang pagpamalit in-advance.
Matod ni VG Balite nga ubos sa Republic Act No. 11466, gawas sa mid-year bonus nga katumbas sa usa ka buwan nga suweldo, kinahanglan usab nga makadawat og year-end incentive ug P5,000 cash gift ang mga empleyado sa kagamhanan.
Gipasabot sa bise-gobernador nga ubos sa maong balaod, kinahanglang ihatag ang bonus sa mga empleyado sa gobyerno sa dili pa matapos ning buwan sa Nobiyembre.
Nasayran ni VG Balite nga ang pangulo sa Kamara-Baha nimando na sa paghatag og incentives sa ilang mga empleyado, busa nanghinaot ang bokal nga mosunod usab niini ang ubang ahensya.
Samtang wala pay kasikas ang Kapitolyo dinhi sa Bohol kalabot niini, dugang ni BG Balite. (RTB)
