GIKATAKDANG molusad ang Department of Trade and Industry og Christmas trade fair sa ulahi ning buwana sa tinguha nga ma-promote ang mga produkto nga gibaligya sa Bohol-based micro, small, and medium enterprises (MSMEs).
Sumala pa ni Rey Anthony Regis, trade promotion officer sa DTI Bohol nga ilang ipahigayon ang tibuok semana nga showcase nga gitawag og “Holiday Market and Crafts Fair” sa Island City Mall sa Tagbilaran City gikan sa Nobyembre 21 hangtod sa Nobyembre 26, 2022.
Ang mga exhibitors magpakita sa nagkalain-laing lokal nga produkto sama sa mga processed foods, handicrafts ug furniture, ug uban pa sa “low prices.”
Matod ni Regis, plano nila nga ipahigayon ang perya kada tuig sa panahon sa pagpangandam sa panahon sa Pasko.
Ang maong peryahan gilauman nga magpakita usab sa mga dekorasyon sa pangilin nga mahimong itanyag sa mga tigbaligya nga dinaghan alang sa mga operator sa hotel ug resort.
Base sa lugar nga gihatag sa ICM management, ang maong fair maka-accommodate ug dul-an sa 40 ka exhibitors gikan sa MSME sector.
Si Regis midugang nga ang DTI nakig-alayon sa MSME groups sa paghatag og tabang sa paghimo og bag-ong mga disenyo sa produkto kalabot sa holidays.
Ang DTI nagdawatan gihapon og mga aplikasyon gikan sa mga exhibitors ilabina sa handicraft ug furniture makers, food processors, ug wellness product makers.
Kinahanglang magpakita ang mga exhibitors og pruweba nga nagpadagan sila og mga lehitimong negosyo nga adunay permit gikan sa gobyerno.
Ang mga tigproseso sa pagkaon ilabina kinahanglan nga magpakita ug permiso sa pag-operate gikan sa Food and Drugs Administration.
Ang mga aplikasyon gidawat sa Negosyo Centers sa tibuok probinsya ug sa buhatan sa DTI sa Tagbilaran City. (RTB)
