PABOR ni Bokal Greg Crispinito Jala sa ikatulong distrito sa Bohol sa sugyot nga magdili sa pagpanaygon kon ‘caroling’ sa mga kalsada nunot sa nagsingabot nga kapaskuhan paglikay sa bisan unsa nga disgrasya ingon man paglikay nga matakbuyan sa bisan unsang balatian.
Sigon ni Jala nga tuyo sa maong ‘caroling ban’ mao nga malikayan ang dugang pagkuyanap sa makamatay nga CoViD-19 virus.
Gibutyag hinoon ni Jala nga pweding magpanday sa ordinansa ang mga local government unit (LGUs) apan mas epektibo kung gikan gyud ang kamanduan sa IATF.
Subay niini, padayong nanawagan si BM Jala sa mga katawhan sa Bohol nga istriktong tumanon ang health protocols aron malikay sa sakit nga makamatay bisan kon gilibkas na ang isriktinong pagsuot sa facemask sa publiko nga lugar ug mga mall.
Gihangyu usab ni BM Jala ang wala pa magbabakuna nga muhimo na sa ingon aron maproteksiyunan ang pamilya ug tagsa-tagsa ka kaugalingon. (RTB)
