NIPAGAWAS og guidelines ang Regional Tripartite Wages and Productivity Board (RTWPB) sa Central Visayas alang sa pagsweldo sa mga kawani nga motrabaho atol sa mga special non-working ug working holidays sa nasud karong bulan sa Nobiyembre.
Base sa Proclamation No. 79 ug sa Proclamation No. 1236 atol sa special non-working days sa Oktubre 31 ug November 1diin kong ang usa ka empleyado dili motrabaho nianang adlawa mo-apply ang “no work no, no pay” nga polisiya gawas kon adunay polisiya o practice sa kompaniya sama sa Collective Bargaining Agreement (CBA) paghatag og sweldo sa special day. Atol usab sa special working day sa Nobiyembre 2 o sa adlaw sa mga kalag ang RTWPB-7 nagkanayon nga sa mga nagtrabaho nianang adlawa makadawat sa ilang daily wage.
“No premium pay is required since work performed on said day is considered work on an ordinary day”, matud sa RTWBP-7.
Sa regular holiday sa Nobiyembre 30 nga mao ang Bonifacio Day kon ang usa ka empleyado dili motrabaho sweldohan gihapon kini sa 100% sa iyang inadlaw nga sweldo.
“Provided that he/she is present, or on leave with pay, the day preceding the holiday”, padayag sa RTWPB.
Sa mga nitrabaho nianang adlawa mabayaran ang maong kawani og 200% sa inadlaw nga sweldo niini sa unang walo ka oras nga pagtrabaho. (RTB)
