NAGKAHIUSA ang mga mayores sa lalawigan sa Bohol alang sa Disaster Risk Reduction Management Orientation for Local Chief Executives nga gitambongan usab sa Office of Civil Defense.
Gibutyag ni OCD Regional Dir. Marlo Salazar nga pipila sa mga hiyas alang sa maayong Disaster Preparedness mao ang pagtambong sa mga drills ug seminars ug lakip na ang epektibong komunikasyon sa ngadto sa mga katawhan.
“The only way to protect development is thru Disaster Risk Reduction Management,” suma pa ni RD Salazar.
Dugang pa niya nga ang Philippine Disaster Risk Management System naa sa Republic Act 10121.
Ang mga kadagkuan sa lalawigan gipangulohan ni Gov. Aris Aumentado, Provincial Administrator Aster Caberte, LMP President/ Buenavista Mayor Dave Duallo ug PDRRMO Anthony Damalerio “in-full force” sa maong kalihokan.
Mismo ang OCD-7 ang nag facilitate sa maong orientation uban ang mga mamumulong gikan sa DILG, DOH ug BEMO.
34 ka mga mayor ang nanambong sa maong orientation kon diin giawhag sila nga magbutang sa kaugalingong Command Center sa ilang mga lungsod.
Kini maglakip sa pagtudlo sa MDRRMO uban ang minimum ka 3 ka staff subay sa balaud. (Kahlil Lester O. Camba)
