GISIGURO ni 3rd district Congw. Alexie Tutor nga dili maulahi ang mga health care programs sa Tersiero Distrito human nakighimamat siya ni DOH-7 Regional Dir. Jaime Bernadas.
Kini bisan pa sa kapit-os sa panahon, nipakita gihapon ang kongresista sa iyang suporta ilabi na sa mga mayores nga nitambong sa Orientation on Local Health Systems Integration Policies related to Universal Health Care.
Gihimo ang maong Dialogue nga gipasiugdahan sa DOH arun sa dunay maayong pakig-alayon ang mga lideres sa kalungsuran ngadto sa maong ahensya.
Lakip sa mga nahesgutan mao ang Universal Health Care nga gituki mismo ni RD Bernadas.
Subay kini sa RA 11223 o Universal Healthcare Act. Ang Universal HealthCare nipasalig nga walay pasyente ang mabiyaan ug ang “primary care” / “community health” mas palig-unon pa.
Dugang pa ni Bernadas, “Good health is good politics”.
Kahinumduman nga ang Tersiero Distrito, mas gihatagan sa gibug-aton ang panglawas sanglit apil man sa mga “priority bills” ni Congw. Tutor ang may kalambigitan sa healthcare.
Sa Valencia, personal nga niadto sa kaulohan sa miaging Biernes, Octubre 14, si Mayor Dionisio Neil Balite, Ph.D alang sa pagdawat sa bag-ong ambulansya gikan sa PCSO. (Kahlil Lester O. Camba)
